الرئيسية > آش واقع > ماطيشة من 5 اللي كتستهلك فأوروبا مغربية.. والمغرب ولى منافس قوي لاسبانيا وهولاندا
01/09/2021 06:00 آش واقع

ماطيشة من 5 اللي كتستهلك فأوروبا مغربية.. والمغرب ولى منافس قوي لاسبانيا وهولاندا

ماطيشة من 5 اللي كتستهلك فأوروبا مغربية.. والمغرب ولى منافس قوي لاسبانيا وهولاندا

كود- عن Hortoinfo//

ماطيشة من 5 ماطيشات كتستهلك فأوروبا من أصل مغربي، الشي اللي كيخلي المغرب ينافس السبليون وهولندا، وهوما أكبر الموردين ديال ماطيشة فالسوق الأوروبية.

فالسنوات الخمسة اللي فاتت، زادت حصة سوق ماطيشة المغربية فأوروبا من 15.2 فالمية إلى 20.1 فالمية.

وحسب موقع Hortoinfo، بناء على إحصائيات “Eurostat”، ففنفس الفترة، تراجعات مبيعات الطماطم السبليونية فالاتحاد الأوروبي بنسبة 27.5 فالمية، بينما انخفضات مبيعات ماطيشة فهولندا بنسبة 21 فالمية لصالح المغرب.

وفالنص اللول من 2021، باع المغرب 262.84 مليون كيلو من ماطيشة للدول الاعضاء فالاتحاد الأوروبي، من إجمالي 1.3 مليار كيلو، مقارنة بـ227.4 مليون كيلو فالنص اللول من عام 2017 (من إجمالي 1.49 مليار كيلو) بزيادة ديال  15.85فالمية.

ودابا المغرب ولا فمنافسة مع هولندا، اللي تراجعات مبيعاتها بعدما باعت فالست الشهور اللولة من 2021 حوالي 290 كيلو من ماطيشة للاتحاد الأوروبي فالوقت اللي كانت باعت 368 مليون كيلو ف2017، نفس الشي بالنسبة لاسبانيا لي باعت 310 مليون كيلو ديال ماطيشة فالنص اللول ديال هذ العام، مقارنة مع 428.27 ككيلو باعتو ف2017.

https://www.hortoinfo.es/index.php/10775-importacion-tomate-ue-270821

موضوعات أخرى