الرئيسية > تبركيك > ماشي غير جي وركب. التي جي ڤي: 13 رحلة ذهاب و13 اياب فالنهار وها الشروط باش تركبو فابور
20/11/2018 11:30 تبركيك

ماشي غير جي وركب. التي جي ڤي: 13 رحلة ذهاب و13 اياب فالنهار وها الشروط باش تركبو فابور

ماشي غير جي وركب. التي جي ڤي: 13 رحلة ذهاب و13 اياب فالنهار وها الشروط باش تركبو فابور

غيثة علام – كود//

كما اعلن الخليع المدير العام للمكتب الوطني للسكك الحديدية، المغاربة غادي يكونو على موعد مع ركوب التيجيفي “البراق” بالمجان.

و كان كشف الخليع أن ركوب القطار فائق السرعة بالمجان غادي يكون أيام 26 و27 و28 نوفبر الجاري، وباش تدوز هاد التجربة على احسن حال ويكون نوع من النظام والحفاظ على تجهيزات القطار واحترام طاقته الاسيتعابية.، ها الترتيبات والشروط اللي دارت الoncf:

– اي واحد بغا يركب فابور على مثن البراق خاص يتسجل عبر موقع لoncf او يتاصل بمركز خدمة الزبناء، حيت التسجيلات في المحطات ممنوعين.

– الا كانو البلايص مازال موجودين، المشارك غادي يوصلو ايمايل في حالة دار “الرزيرفاسيون” عبر الموقع، ولا كان اتاصل بالمركز خاصو يمشي يجيب البييي ديالو من المحطة اللي بغا قبل 24 ساعة ولا غايتلغا.

– المشاركين خاص يعطيو اسمهم الكامل، النمرة ديال لاكارط والتيليفون، والنهار والساعة الي ختارو يسافرو فيهم.

– وطبعا مايمكنش للمشاركين يركبو فابور في اكثر من رحلة وحدة.

واكدت لoncf في بلاغها انها غادي توفر 13 رحلة ذهاب و13 اياب فالنهار، و533 مقعد في كل تران.

 

موضوعات أخرى