مصطفى سعد كود سبور كازا ////

ماشي غير ايت منة اللي خاصو يخلص فضايحو فتسيير الحمرا. الديساوي والدريب والزهيري ولعسل… خاصهم يتحاسبو وشي وحدين كينوعرو باش يرجعو للتحكم فالحمرا

هشام ايت منة رئيس الوداد البيضاوي اللي دار استقالة باش يسكت جمهور الحمرا كان تسييرو فموسمين كارثي. اخطاء كثيرة فشراء اللعابة وهم مرضي باش يبان ويتصور ويردد انا وحدي مضوي لبلاد. تصورو وقاحة رئيس وصلات بيه حتى قال باللي ولدو الطفل هو اللي خلاه يجيب حكيم زياش. باش تعرفو كيفاش كانت تسير الحمرا

لكن راه ايت منة ماشي بوحدو اللي كيسير. فالمكتب كاينين شي وحدين هاد ليام كينوعرو باش يقدرو ريوسهم بديل لايت منة. اييه بوقاحة كيفكرو فهاد الشي.

اللي خاصهم يتحاسبو اولهم سعد الدريب. هادا اللي كيتلون مع كل رئيس. كان مع الناصري ومشى مع برناكي وتخلى عليه على عيون ايت منة. هادا خطر على الحمرا. كاين كمال الديساوي اللي مطمعو واحد السمسار ملايري كيستاغل الصحافة ومگودو باش يكون خليفة لايت منة. هاد السمسار لملايري ما عمرو عطى قرعة الما للوداد. دايرها واجهة يسمسر بيها وصافي. عندو مونيكة ديالو اللي هو سفيان زهيري احد نواب الرئيس. هاد الطاشرون اللي كان تسبب فازمة فكازا باش شرا عمارة وريبها واخا هي ذات قيمة معمارية وكان فيها مكتب محامي ودار احتجاج وتورط فيها شي مسؤول كبير فكازا.

السمسار لملايري كان وعد الزهيري اللي ما قدم والو للوداد باش يدخلو لجمعية تنظيم مونديال 2030. اييه بلا خبار الرئيس ديالها فوزي لقجع. كيقدمو السمسار لملايري اللي كيستاغل الصحافة، ديما بللي عندو حظوة الفوق. كيف شفتو كاين غير المصالح لا حب الوداد ولا غيرو. الوداد غير باش يحل مشاكلو فسطات. يحل مشاكلو فالفلوس اللي مشات للبرتغال وكيفاش السمسار لملايري اللي ستاغل الصحافة خرجها وشرا عقار ب500 الف اورو

طبعا من اللي خاصهم يتحاسبو فما وصلات ليه الوداد كاين مكتب كولو. ما خاص حتى شي واحد منهم يرحع للمكتب المقبل بحال هاد لعسل وديك منية عزمي وحسا والوزاني…. راهم كانو مونيكا بيد ايت منة وشي وحدين مونيكات بحال الديساوي وزهيري مونيكات بين السمسار لملايري اللي كيستغل الصحافة