كود – 7sur7//

فواحد التصريح اللي دار البوز بينات المغنية الأمريكية Lizzo على واحد السر الشخصي اللي ماكانش معروف من قبل، وقالت باللي بقات عزبة حتى لعام 2020، فالعام اللي ربحت فيه جوائز Grammy Awards.

وجا هاد الاعتراف فواحد البودكاست، فين وضحات باللي القرار ديالها فالأول كان عندو طابع ديني ملي كانت صغيرة، ولكن من بعد ولات واخداه كـ “وعد” بينها وبين راسها وقررت ما تدخل حتى علاقة حتى تحقق الحلم ديالها وتربح جائزة الغرامي.

ليزو، اللي دابا فـ37 عام، قالت حتى باللي التجربة ديالها مع العلاقات كانت معطلة مقارنة مع الآخرين، وحتى أول بوسة عاشتها ماكانت حتا وصلت لـ21 عام، ووصفتها بأنها كانت تجربة خايبة وخلات ليها أثر سلبي.

وزادت كتعاود على الضغط اللي كانت كتحس بيه، خصوصاً فسنوات الجامعة، فين كانت كتكذب على صحابها باش تخبي الحقيقة، حيث كانت كتعتبر الموضوع محرج لها .

أما أول تجربة جنسية، فكانت مباشرة من بعد ما حققات النجاح الكبير ديالها فـ2020، ولكن حتى هي اعترفات باللي ما كانتش مستعدة مزيان لهاد الخطوة.

من بعد، فـ2021، لقات الحب مع الممثل الكوميدي مايك رايت، وولات كتشوف هاد المرحلة من حياتها بطريقة مختلفة، وكتقول باللي الاعتراف بالحقيقة دابا حسّسها براحة كبيرة، وكأنها حيدات عليها واحد الثقل اللي كانت ضاغط عليها سنين.