وكالات//

دارت كيم كارداشيان البوز فالسجادة الحمرا ديال حفل ميت غالا هاد العام، ماشي بسبب اللبس ديالها، ولكن حيت وبّخات واحد السكيوريتي قدّام الناس.

وحسب جريدة “ميرور”، تشافت كيم، اللي عندها 44 عام، وهي كتوبّخ رجل أمن فواحد اللحظة اللي كانت محرجة ومتوترة، من بعد ما كانت غادي تطيح وهي كتعرض راسها قدّام الكاميرات.

كيم كانت حاضرة فهاد الحفل الكبير ديال الموضة فنيويورك مع بنتها نورث ويست، وكانو كاينين تخوّفات بلي راجلها السابق، كاني ويست، يقدر يجي ويدير شي فوضى.

ونتاشرو بزاف ديال الفيديوهات ديال الواقعة ف تيك توك، وبيّنو كيم وهي كتتكعبل شوية القدّام، ومن بعد تلفات على رجل الأمن وعبرات على الغضب ديالها.