وكالات//

علن الملياردير الميريكاني إيلون ماسك، المدير التنفيذي ديال شركة تسلا، باللي ناوي يقدّم طلب للمحكمة باش ياخذ الحضانة الكاملة ديال ولدو من المؤثرة والكاتبة آشلي سانت كلير، وهاد الشي جا من بعد الاعتذار العلني ديالها على تصريحات سابقة تْعتابرات معادية للمتحولين جنسياً.

وقال ماسك، اللي عندو 54 عام، فواحد المنشور على منصة “إكس” باللي غادي يتحرّك قانونياً باش يحصل على الحضانة الكاملة لطفلو اللي عندو عام واحد، كردّ فعل على تراجع سانت كلير، اللي عندها 27 عام، على مواقف سابقة ودعمها العلني لحقوق المتحولين جنسياً.

وكتب ماسك تعليقاً على منشور ديال واحد المستخدم اللي اقترح عليه يسعى للحضانة الكاملة:

’’غادي نقدّم طلب الحضانة الكاملة اليوم، حيث التصريحات ديالها كتبيّن أنها ممكن تقوم بتحويل صبي عندو عام واحد‘‘.

ورغم هاد الادعاء، ما صدرت حتى شي تصريحات مباشرة من سانت كلير كتشير باللي عندها نية تدير للطفل عملية تحول جنسي، غير اعتذرات على مواقفها السابقة، وأكدت باللي تراجعات عليها وباغية تتعلّم وتدافع على الناس اللي حسّات أنها أساءت ليهم.