وكالات //

عرفات منصة “إكس” ديال الملياردير الأمريكي إيلون ماسك، اللي كانت معروفة قبل بتويتر، تراجع فحركة المستخدمين فميريكان من بعد الانتخابات الرئاسية فنونبر 2024، ملي استعمل الكونط ديالو باش يشجع الناس يدعمو المرشح ديال ديك الوقت دونالد ترامب.

وحسب إحصائيات نشرتها مجلة “فوربس”، فالتراجع ديال “إكس” خلا منصات أخرى ديال السوشل ميديا، بحال ثريدز وبلوسكاي، تستافد.

الزيارات اليومية للموقع ديال “إكس” نزلت بنسبة 8.4٪ وولات 31.7 مليون من نونبر حتى 21 مارس، من بعد ما كانت كاينة زيادات قصيرة فالفترة ديال الانتخابات وتعدلات من بعد، فحين نزل المتوسط ديال عدد المستخدمين اليوميين للتطبيقات (iOS وAndroid مجموعين) بنسبة 7.2٪ وولات 25 مليون فديك الفترة.