كود سبور//

تقلق مدرب المنتخب الأرجنتيني الأولمبي خافيير ماسكيرانو وما عجبوش الحال حيث الحكم رجع للفار وحيد الهدف الثاني ديالهم ضد المغرب فماتش المنتخبين ضمن الجولة الأولى من أولمبياد باريس 2024.

وكشف خافيير ماسكيرانو أن ألمادا لاعب الأرجنتين تشفرت له شي حاجة ملي كانو فشي حصة تدريبية فالأيام اللي سبقت الماتش ضد المغرب، وقال انه ماشي معقول تكون الاعتمادات ويوقع بحال هذا الشي فماتش فالأولمبياد فإشارة لتوقف الماتش ونزول شي مشجعين للتيران.

وكمل مدرب الأرجنتين: “حبسنا الماتش وحنا دايرين 2 لجوج، وقالو لينا راه توقف اللعب على السلامة ديالنا، وملي رجعنا حيدو لنا هدف، راه توقف الماتش 7 المرات بسبب نزول المشجعين هادي راه الألعاب الأولمبية ماشي ماتش ديال الدرب، هذا راه أكبر سيرك شفتو فحياتي”.