وكالات//

مزال شاعلة بين المغنية شرين عبد الوهاب وراجلها السابق حسام حبيب، وكان آخر القضايا لي بانت هو الفيديو المسرب لي خرج ليها الطليق ديالها.

هاد الفيديو كتبان فيه شرين عبد الوهاب وهي في حالة هستيرية وكتهرس كاع داكشي لي عندها في الاستوديو ديالها.

ومباشرة بعد الخروج ديال هاد الفيديو، خرجات بزاف ديال التقارير الصحفية من مصادر مقربة من شرين كتقول أن حسام حبيب ضربها ضربة خايبة فراسها.

وكتقول أن راجلها داك الساعة ضربها بشي عصا للراس ودار ليها جرح كبير في راسها وكاين تقرير طبي كيأكد هادشي.

هادشي في الوقت لي خرج فيه المحامي ديال شرين وقال لبزاف ديال الصحف المصرية أن “الحقيقة غادي تبان”.