كود المحمدية ///
عملت “كود” باللي مسؤول بالادارة التقنية لنادي المغرب الفاسي تشد هاد النهار بمدينة المحمدية. التهمة حسب مصدر “كود” هي الخيانة الزوجية، گاليك لقاوه عند شي مرا. عادي فين مشكل يكون عندها. خاص دابا هاد التهمة تتقنن. واش اي واحد او وحدة عند شي صديق او صديقة راه متهم ب”الخيانة الزوجية”؟
حسب مصدر “كود” فهاد المسؤول باش تشد قدم راسو ك”شخصية معروفة”. فالحقيقة خاصو يتشد على تقديم راسو باللي شخصية ماشي على الخيانة.
دابا غادي يتقدم فحالة اعتقال. الحل باش يخرج. وهادا منتهى العبث فهاد القانون٬ هو خاص مراتو تتنازل.
وقتاش يقدم وهبي التعديلات اللي هدر عليها ومنها تعديل هاد القضية ديال الخيانة الزوجية.
