الرئيسية > تبركيك > مازال جايحة “كورونا” كتقتل الشخصيات الملكية والسياسية والعمومية.. وفاة أول أميرة فاسبانيا ووزير سابق فرنسي بالفيروس
29/03/2020 11:00 تبركيك

مازال جايحة “كورونا” كتقتل الشخصيات الملكية والسياسية والعمومية.. وفاة أول أميرة فاسبانيا ووزير سابق فرنسي بالفيروس

مازال جايحة “كورونا” كتقتل الشخصيات الملكية والسياسية والعمومية.. وفاة أول أميرة فاسبانيا ووزير سابق فرنسي بالفيروس

عفراء علوي محمدي- كود//

“كورونا” مزال كتحصد أرواح الشخصيات العامة والسياسية، حيت غير اليوم توفات أول أميرة بفيروس “كورونا” المستجد، وكيتعلق الأمر بالأميرة الإسبانية ماريا تيريزا، اللي عندها 86 سنة، واللي صبحات أول عضو فعائلة ملكية كيتوفى بالفيروس فالعالم كامل.

وعلن الأمير سيكستوس هينري، الأخ الأصغر للأميرة، فتدوينة ليه، بللي الاخت ديالو توفات بسبب هذ الفيروص اللي صبح يهدد العالم.

وكتنتمي الأميرة لعائلة بوربون، وهو فرع ثاني عن العائلة الملكية الإسبانية، وكتنحدر من سلالة كيبتيان الفرنسية.

واليوم تاني علنو تقارير إخبارية فرنسية على وفاة الوزير الفرنسي السابق في حكومة فرانسوا فيون، باتريك ديفيدجيان، بعد إصابتو حتى هو بفيروس “كورونا” المستجد.

الوزير اللي كان كيشرف على قطاع الصناعة كان كيشغل منصب رئيس مجلس مقاطعة أوت دو سين، وهي المنطقة اللي تفشى فيها الوباء بشكل ملحوظ ففرانسا.

موضوعات أخرى

03/06/2020 16:00

أقريو كتتاهم سيناريست “شهادة ميلاد” بسرقة قصة “ياقوت وعنبر”.. ومدير شركة “ديسكونيكتد” لـ”كود”: حطينا شكاية لبارح فالمركز السينمائي وفالغالب السيناريست دالمسلسل ماكاينش أصلا