كود سبور//

حطو نهضة بركان رجلهم الاولى فبوديوم التتويج بكاس الكونفدرالية الإفريقية، بعدما ربحو سيمبا التنزاني فلالي ديال فينال المسابقة اليوم السبت.

وسالا الماتش بين نهضة بركان وسيمبا التنزاني اللي تلعب فالتيران البلدي ببركان بنتيجة 2-0 لمصلحة البركانيين، وماركا الهدف الاول ديال بركان لامين كامارا فالدقيقة 8، وأسامة المليوي فالدقيقة 14، مع العلم ان يوسف ميهري ماركا هدف ثالث لنهضة بركان وحيدو VAR بداعي التسلل، وكانوا بركان يخرجو رابحين بكثر من 2-0، كون كانو مركزين فشي فرص جاوهم.

وبهذه النتيجة حطو نهضة بركان رجليهم الاولى على منصة التتويج بلقبهم الثالث فكاس الكونفيدرالية الافريقية، في انتظار روتور الفينال الاحد الجاي بجزيرة زنجبار التنزانية، اللي معولين التنزانيين يديرو فيه الريمونتدا بدعم الجمهور ديالهم.