كود -وكالات//

علنات زعيمة اليمين الفرنسي، مارين لوبان، أنها غادي تترشح للانتخابات الرئاسية ديال 2027، وخا أن محكمة الاستئناف الفرنسية ثبتات إدانتها فملف اختلاس أموال البرلمان الأوروبي، وحكمات عليها دوز عام تحت المراقبة الإلكترونية بلبراصلي ديال ضو.

لوبان، اللي عندها 57 عام، قالت فتصريح لقناةTF1 “: “أنا مرشحة للانتخابات الرئاسية”، وقالت إنها غادي تطعن فالحكم قدام أعلى هيئة قضائية ففرنسا، وهي محكمة النقض الفرنسية، وهاد الطعن كيوقف تنفيذ الحكم مؤقتاً، يعني ما غاديش تضطر دابا تلبس السوار الإلكتروني، وكتقدر تدير حملتها الانتخابية بشكل عادي حتى يخرج القرار النهائي.

وكانت لوبان وصلات للدور الثاني فالانتخابات الرئاسية جوج مرات، فـ2017 و2022، ولكن خسرت قدام إيمانويل ماكرون، اللي ما يقدرش يترشح لولاية ثالثة متابعة حسب الدستور الفرنسي.