اسماء غربي – كود//
اختارت النجمة العالمية “ماريا كاري”، فالحفل ديالها في السعودية، نهار الخميس، كسوة مثيرة ولاصقة على الذات، واخا مقارنة مع لباسها الجريئ كتبان هادي محتشمة.
وغنات ماريا كاري عدة اغاني ديالها اللي معروفة عالميا، منها “Hero”، و “My All”، والجمهور عجبهوم الحال، وداز الحفل مزيان.
وكان نشطاء طالبوا ماريا كاري بإلغاء حفلها في السعودية تضامنا مع الناشطات المعتقلات، ولكن ردات، فبيان رسمي، قالت فيه انها جها العرض لتقديم الحفل أمام جمهور مختلط من الجنسين فالسعودية، وزادت: “وافقت، واعتبرت هاد الفرصة بمثابة خطوة إيجابية نحو حل الفصل بين الجنسين”.
