كود – كازا ///

أكد وزير الداخلية الإسباني، فرناندو گراندي مارلاسكا، لبارح الاثنين، أن المغرب غادي يتعاون مع إسبانيا فالتحقيقات المرتبطة بظروف وملابسات جريمة القتل المزدوجة اللي وقعات فساحل بارباتي وعرفات مقتل 2 ديال الضباط تاع الحرس المدني وسط البحر.

وأضاف المسؤول الحكومي الإسباني، أن التعاون فهاذ القضية مع المغرب غادي يتم فإطار القنوات القائمة لتحديد مكان القتلة المفترضين والقبض عليهما، وغادي يتم توفير جميع الظروف المناسبة لسير التحقيقات والتعاون الأمني مع المغرب فهاذ القضية.

وحسب تقارير سابقة، فقد تم التعرف على هويات المغاربة الأربعة اللي كانو ف الزودياك اللي دخلات ف الزورق ديال ضابطي الحرس المدني ف بارباتي بسواحل قادس ف فبراير الفايت. وتم التعرف على الجناة بعد التحقيقات اللي أجراها أفراد من وحدة العمليات المركزية (UCO).