كود سبور//

كشفت جريدة “ماركا” الإسبانية أنه كاينة مفاوضات بين المغرب وإسبانيا والبرتغال للحسم فالتيران اللي غايتلعب فيه الفينال ديال كاس العالم 2030، وهي البطولة اللي غايكون التنظيم ديالها مشترك بين البلدان بثلاثة.

ووضحت الجريدة الإسبانية انه كاين اجتماع يوم الاثنين الجاي بين صحاب الملف المشترك لمونديال 2030 (المغرب، إسبانيا، البرتغال) مع الاتحاد الدولي لكرة القدم، باش يحطو النقاط على الحروف بخصوص عدد من الأشياء اللي كتحم المونديال ومن بينها قضية التيران اللي غايتلعب فيه الفينال، وهذا الشي قبل يوم 31 يوليوز الحالي موعد التقدم بالملف كامل مكمول من ملعب الافتتاح حتى ملعب الفينال.

وزادت الجريدة الإسبانية قالت ان الاتحاد الدولي لكرة القدم باغيين ينظمو الفينال فتيران سانتياگو برنابيو فالعاصمة الإسبانية مدريد، واخا ان المغرب باغي حتى هو ينظم الفينال، باغي يستغل مشاكل الاتحاد الاسباني لكرة القدم وعلى راسها داكشي اللي وقع فيه رئيس اتحاد الكرة الإسباني  السابق لويس روبياليس.