كود سبور//

غايكون الدولي المغربي ابراهيم دياز حاضر مع ريال مدريد الإسباني فماتش الكلاسيكو ضد البارصا السبت الجاي، ضمن منافسات بطولة الصبليون، حسب ما كشفت عليه جريدة “ماركا” الإسبانية.

وقالت “ماركا” اليوم الأربعاء، إن ريال مدريد وبعدما نزلت عليه خبار إصابة المهاجم البرازيلي رودريگو والگول البلجيكي كورتوا، بحال شي مصيبة، تلقى الفريق خبار زوينة غطات على هذا الشي، وتتعلق بإبراهيم دياز اللي غايكون فماتش الكلاسيكو ضد البارصا.

ووضحت الجريدة الإسبانية، أن ابراهيم دياز غايكون مع لاليست ديال المدرب الطالياني كارلو أنشيلوتي فماتش الكلاسيكو باش يكون واحد من الأسلحة اللي غايعتمد عليها ضد البارصا، وأكدت أن النجم المغربي كايتدرب دابا بشكل عادي مع اللاعبين فالگروب.