كود سبور//

قرر أولمبيك مارسيليا الفرنسي يصبر على الدولي المغربي أمين حارث النجم المغربي اللي توعت فاخر ماتش له مع الفريق الفرنسي قبل السفر إلى قطر للمشاركة فكأس العالم 2022، وهي البطولة اللي تحرم منها بسبب الإصابة.

موقع “foot mercato ” كشف أن أولمبيك مارسيليا الفرنسي فريق أمين حارث ما عندوش أي نية يغامر باللاعب المغربي ويدخلو يلعب فليماتش اللي باقيين هذا الموسم، بالرغم من أن الحالة الصحية ديالو حسنات بزاف وبسرعة، ولكن مارسيليا ما باغينش يخاطروا به فيما تبقى من هذا الموسم.

نفس المصدر ، قال أن المكان ديال أمين حارث بأولمبيك مارسيليا الفرنسي كاين وجوز بالاسم ديالو وكلشي وقاف معه من لاعبين زملاء ديالو من مسؤولي مارسيليا باش يرجع يلعب وغيكون من الأسماء اللي غيعتمد عليها الفريق الموسم المقبل.

وكتعتبر الطريقة اللي تصاب بها أمين حارث من أكثر قصص إصابات اللاعبين د كرة القدم حزنا وألما، حيث اللاعب كان على بعد ساعات من الالتحاق بالمنتخب الوطني المغربي للمشتركة فكأس العالم 2022، ولكن توعت فماتش مارسيليا وموناكو فبطولة فرنسا وتقطعو له ليكامون ديال الركبة.