كود سبور//

عبر فريق أولمبيك مارسيليا الفرنسي على إعجابو بالمستوى اللي بان به النجم ديالو أمين حارث مع المنتخب الوطني المغربي فماتش البارح الثلاثاء ضد ليبيريا، ضمن إقصائيات كوب دافريك.

وتفاعل أولمبيك مارسيليا الفرنسي مع تألق أمين حارث واللي ماركا على ليبيريا الهدف الاول للأسود، وهو أول هدف لحارث مع ليكيب ناسيونال بعد 17 ماتش، ونشر أولمبيك مارسيليا صورة لحارث على فيسبوك وقال عليها بالدارجة المغربية: “تبارك الله على النجم ديالنا أمين حارث”.

وتألق أمين حارث فماتش المغرب وليبيريا، وماركا الهدف الاول وجاب بيلانتي ديال الهدف الثاني، وبدا كيأكد ان المستوى ديالو بعد العودة من الاصابة اللي بعداتو من ليكيب ناسيونال تقريبا لعام، ما غتأثرش عليه فالمستقبل ديالو.