كود سبور//

كايفكرو أولمبيك مارسليا الفرنسي، يصيفطو النجم المغربي أمين حارث بحالو، واخا تألق معهم ملي بدا هذا الموسم ومقدم مستويات كبيرة.

وكشفت جريدة “ليكيب” الفرنسية، أن اولمبيك مرسيليا مايفكرو يصيفطو أمين حارث لشي فريق آخر خلال الميركاتو الشتوي فشهر يناير الجاي، واخا قدم عروض قوية ومميزة وهو صانع ألعاب الفريق.

وحسب نفس المصدر، فالتألق ديال أمين حارث مع بداية هذا الموسم، لم يمنع أولمبيك مارسيليا أنهم يراجعو قرارهم اللي كانو باغيين يطبقوه الصيف الماضي بالتخلي على الخدمات ديال النجم المغربي.

وزادت الجريدة الفرنسية واكدت ان اولمبيك مارسليا حاطين حارث خارج المشاريع المستقبلية ديالهم، وهذا الشي بالاضافة إلى المنافسة اللي عندو مع لاعبين اخرين معه فالفريق.

للإشارة فالنجم المغربي امين حارث هو احسن باسور فبطولة فرنسا حتى لدابا بعد مرور 6 الدورات، ومتصدر لائحة احسن صانع ألعاب مع المغربي الاخر اشرف حكيمي نجم باريس سان جرمان برصيد 3 تمريرات حاسمة لكل لاعب.