كود سبور//

يقدر يمشي الدولي المغربي عز الدين أوناحي من أولمبيك مارسيليا فهاد الصيف، حينت جا فيه عرض من فريق إسباني.

وحسب موقع “Footmercato” الفرنسي المتخصص فانتقالات اللاعبين والمدربين فأوروبا، فقدم فريق لاس بالماس الإسباني عرض لأولمبيك مارسيليا الفرنسي باش يتنازل على خدمات الدولي المغربي عز الدين أوناحي.

نفس المصدر، وضح أن مسؤولين أولمبيك مارسيليا ما جاوبوش على عرض لاس بالماس ولكن كيبقى كلشي ممكن، خصوصا وأن عز الدين أوناحي يقدر يكون ما داخلش فاستراتيجية مدرب الفريق الفرنسي روبرتو دي زيريبي.

وكيبقى عز الدين أوناحي واحد من اللاعبين اللي تفاجأ الجميع بتراجع مستواهم بعدما تألق مع المنتخب المغربي فمونديال 2022، وكان كلشي كايتسناه يتألق مع شي فريق كبير، قبل ما ينتقل انجي الفرنسي إلى أولمبيك مارسليا الفرنسي، وما قدرش يدير بلاصتو مع بزاف ديال المدربين فالنادي، سوا بسبب الإصابات أو عدم الاستقرار التقني فالفريق، وهذا الشي كايشوفوه المتتبعين راجع لعدم الاختيار الموفق للاعب بالتوقيع من مارسليا.