گود سبور//

بيّن برونو جينيسيو مدرب أولمبيك مارسيليا الفرنسي، انه باغي يعطي فرصة جديدة للدولي المغربي نايف أگرد، بعد فشل انتقال الأخير لريال سوسيداد الإسباني، بسبب خلاف مع مدرب الفريق الإسباني.

وخلال الندورة الصحافية ندوة صحافية دارها برونو في جينيسيو مدرب اولمبيك مارسليا اليوم الاربعاء قبل ماتش الفريق ضد ستراسبورگ، الجمعة الجاي ضمن اول دورة من بطولة فرنسا، كشف على الحالة ديال نايف أگرد بعد فشل الانتقال ديالو لريال سوسيداد وعلو شنو واقع مع الدنماركي بيير إيميل هويبيرگ اللي ما بغاش ينتقل لنيوكاسل النكليزي،  وقال مدرّب مارسيليا: “بجوج كايتعاملو مع هذا الشي بهدوء ومركزين فالتيران”.

وبخصوص الحالة النفسية ديال اللاعبين، قال مدرب مارسيليا: “كانهضر معهم بزاف وهما محتاجين مع من يهضرو، ومركزين غير على التيران، وبينو حوايج مختلفين على داكشي اللي تقال عليهم وعلى الفرقة، وعندهم رغبة يبينو شنو عندهم، وغادي تحكمو عليهم بناء على أدائهم فبداية هذا الموسم”.

وبالنسبة للحالة البدنية ديال نايف أگرد، وضح مدرب مارسليا: “ما لعبش 5 شهور هادي ومحتاج يرجع اللياقة ديالو”.