كود سبور//

توج العداء المغربي حمزة السهلي بالنسخة 15 من ماراثون الدار البيضاء الدولي، اليوم الاحد 27 أكتوبر 2024.

وجا تتويج حمزة السهلي بماراثون الدار البيضاء، بعدما دخل فالمركز الأول وحقق توقيت ساعتين و9 دقايق و6 ثواني، وجا فالمركز الثاني المغربي الاخر عمر أيت شيتاشن بتوقيت ساعتين و11 دقيقة و50 ثانية، والمركز الثالث دخل فيه ألموس نيگوسمن إريتريا، بتوقيت ساعين و27 دقيقة و34 ثانية.

وعند العيالات ربحت الكينية جوان جبكلسوگي بتوقيت ساعتين و27 دقيقة و42 ثانية، ودخلت المغربية حسناء الزاهي فالمركز الثاني بتوقيت ساعتين و28 دقيقة و57 ثانية، وجات الكينية گلاديس كيبتو ثالثة بتوقيت ساعتين و29 دقيقة و41 ثانية.