وكالات//

دارت المغنية الميريكانية المشهورة مادونا البوز فميريكان فآخر كونصير ديالها دارتو ف ولاية سياتل الميريكانية، والسبب أنها طاحت وهي كتغني فوق المسرح.

كيبان من واحد الفيدو بارطاجاوه بزاف ديال الناس على السوشيال ميديا اللحظة لي طاحت فيها مادونا وهي كتشطح مع واحد الراقص.

الراقص جبد ليها الكرسي وهي تطيح معاه فوق المسرح، ولكن مادونا عرفات كيفاش تتصرف وكملات الغناء وهي ناعسة على كرشها.

الناس ضحكاتهم الطيحة ديال مادونا، لي هو حادث طريف وغريب على الفنانة، ولكن لي صدمهم اكثر هو كيفاش مادونا باقا شادة فراسها واخا عندها 65 عام.

وكيقولو أن الرقص لي كتدير كل نهار تقريبا والرياضة لي كتديرها بانتظام هي لي خلاتها تكون امرأة حديدية.