كود -وكالات//

فاجآت النجمة العالمية مادونا الجمهور فمهرجان كوتشيلا، ملي طلعات على عفلة فوق المنصة مع سابرينا كاربنتر، فواحد اللحظة اللي خلات الحاضرين كاملين يحمّاقو من الفرحة.

هاد الحدث لبارح كان فليلة الجمعة، فين كاربنتر كانت كدير العرض الرئيسي ديالها، ومن بعد أداء أغنية “Juno”، سمعو مقدمة أغنية “Vogue”، وخرجت مادونا وسط تصفيقات كبيرة.

بجوجهم لابسين ستايل متشابه، وقدمو ديو فيه أشهر الأغاني بحال “Vogue” و”Like A Prayer”، وزادو حتى واحد المقطع جديد كيبان أنه من الألبوم الجاي ديال مادونا.

مادونا عبرات على الفرحة ديالها بالرجوع لهد المهرجان من بعد 20 عام، وقالت بلي هاد اللحظة عندها معنى كبير حيث سبق ليها غنات فيه عام 2006 ،مادونة دارت شوية الموضحيكة مع الجمهور ملي قالت هادي أول مرة تغني مع شي حد قصير عليها فلاطاي.

المهرجان كيعرف حضور كبير، كيوصل لأكثر من 100 ألف  فاليوم، وكيجمع كبار الفنانين من العالم كامل ، المشاركة ديال مادونا مع كاربنتر تزادت بها القيمة الفنية ديال السهرة، وخلّات هاد الدورة من كوتشيلا تبقى فذاكرة الجمهور.