الرئيسية > تبركيك > ماحتارموش القانون بالعلالي.. البلوگر أمين ومراتو صوفيا دخلو لكازا من بعد حظر التجول واستغلو الحمل ديالها باش يكذبو على البوليس!
30/11/2020 09:00 تبركيك

ماحتارموش القانون بالعلالي.. البلوگر أمين ومراتو صوفيا دخلو لكازا من بعد حظر التجول واستغلو الحمل ديالها باش يكذبو على البوليس!

ماحتارموش القانون بالعلالي.. البلوگر أمين ومراتو صوفيا دخلو لكازا من بعد حظر التجول واستغلو الحمل ديالها باش يكذبو على البوليس!

نجوى المالحي-كود//

أمين وصوفيا المشهورين في مواقع التواصل ب”HLS” ولي مكينش علامة تجارية في المغرب مكتعاملش معاهم خرقو القانون وبالعلالي.

الكوبل لي ساكنين في مراكش وبكل قلة الاحترام للقانون والسلطة واللناس لي متابعينهم دارو فيديو عبر ستوري في انستگرام، قالو فيه أن عندهم ساعة ونص باش يدخلو لكازا (لي فارضة حظر التجول من بعد 9 ديال الليل للحد من انتشار ڤيروس كورونا) وأنهم الا وقفهم البوليسي غادي يقولو ليه أن صوفيا لي حاملة خاصها الدوا عاجلا، وبكل وقاحة هي أكدات أنها غادي تساندو في الكذبة باش يدخلو للمدينة.

وباش الكذبة تصدق. أمين عطا لمراتو صوفيا تصوكَ الطوموبيل باش في الباراج ميلقاوش صعوبة، وفعلا لي في راسهم داروه وملي وصلو لكازا من بعد حظر التجول دارو الفيديو كيضحكو وفسرو ان البوليس في الباراج ماحبسوهمش بعدما شافو ان صوفيا حاملة.

الكوبل محتارمش الاجراءات المفروضة وهادشي كلو بسبب اللهطة على الفلوس والبوز.

 

موضوعات أخرى

17/01/2021 09:00

ياك نفس القضاء واش النيابة العامة كتبدل على حساب الشخص؟ فين الاجتهاد القضائي ففيديو السكيرج علاش ما طبقوهش فقضية بنت تطوان؟