وكالات//

عتارف المغني العراقي المشهور، ماجد المهندس، بواحد الحاجة صدمات بزاف ديال العشاق ديالو ف العالم العربي.

وقال المهندس فين كان ضيف على برنامج “بودكاست Big Time” مع الإعلامي عمرو أديب، أنه تعرض للتنمر في البدايات ديالو، وبزاف ديال الناس ضحكو عليه وعلى صوتو، حتى فاش ولا كيتعرف ف الساحة الغنائية.

وقال المهندس أنه فالمدرسة مكانوش كيخليوه يغني حينت كيقولو ليه ان الصوت ديالو خايب، وبزاف ديال الإذاعات ماكانت بغات تدوزو للسبب نفسو.

ولكن دابا قدر ماجد المهندس أنه يدير بلاصتو فعالم الغناء، وولا واحد من أشهر الفنانين في العالم العربي كامل.