وكالات//

حادثة مأساوية وقعات في العاصمة الفرنسية باريس، بعدما لفظ المغني مايكل بنجامين المشهور بـ”Mikaben” الأنفاس الأخيرة قدام 10 آلاف متفرج جاو للحفلة ديالو مع فرقتو.

المغني لي جاي من هايتي كانت الحفلة ديالو غادية مزيان وناجحة من حيث العدد لي حضر ليه، وحتى تفاعل الجمهور معاه، وفي لحظة كان كيغني فيها أغنيتو الشهيرة “أوه باتي” فقد التوازن وطاح بموتة ديالو.

واخة جات الإسعاف لمكان الحفل باش تعتقو ولكن لقات الفنان مات وشخصو الأطباء سبب الموت ديالو بسكتة قلبية.

وانتشرات فيديوهات من الحفلة لي كتوثق اللحظة لي طاح فيها “Mikaben” على المسرح وهو فاقد التوازن ديالو.

رئيس الوزراء ديال هايتي أرييل هنري نشر على حسابو في تويتر تدوينة كيتأسف من الحادث المآساوي لي وقع لواحد من أشهر الفنانين في هايتي وفي العالم.