وكالات//
مهرجان ديال الصراع مع الثيران في الصبليون مازال كيحصد الضحايا ديالو، آخرهم راجل عندو 62 عام إسباني نطحو ثور ملي كانو كيجريو قدامو، والراجل تقصح ومات.
المسؤولين قالو أن الراجل داوه للصبيطار، والتقارير الصحفية قالت أنه تطعن 4 ديال الطعنات بالݣرون ديال الثور، لي أثرو ليه على الرية والكبدة، هاد الثور قصح حتا واحد راجل فساݣو ولكن موقع ليه والو.
بزاف ديال النشطاء كيقولو أن هادشي لي كيديرو هاد الصبليون خطير بزاف، وفهاد الأعوام لي فاتو كلشي بدا كيهضر على عدد الضحايا ديال الثيران لي كيطيحو كل عام.
