وكالات//

فواحد الحادثة مأساوية صدمات الرأي العام فإيطاليا، مات راجل بطريقة خايبة بزاف بعدما جراتو مروحية ديال طيارة مدنية وسط مدرج مطار بيرغامو فشمال إيطاليا، فالصباح ديال نهار الثلاثاء، وهي كتوجد باش تقلع.

وحسب ما قالت وكالة الأنباء الإيطالية “أنسا”، الراجل ماشي من الركاب ديال الطيارة، ولا حتى من خدامة المطار، وهادشي خلا الناس كتطرح بزاف ديال الأسئلة: كيفاش وصل حتى لذيك البلاصة الخطيرة فالمطار؟

المعلومات الأولية كتشير باللي الحادثة وقعات وقت ما كانت طيارة ديال شركة “Volotea” كتحضّر باش تقلع، وفجأة شفطاتو المروحية ديال الطيارة فواحد اللحظة اللي كانت صادمة بزاف.

إدارة المطار خرجات ببلاغ رسمي وقالت فيه أنهم وقفو كل الرحلات بين 10:20 و12:00 ديال النهار بتوقيتهم، وعللو السبب بأنه “مشكل فممر الطيارات”، بلا ما يذكرو تفاصيل الحادثة مباشرة. وزادو وقالو بللي السلطات بدات تحقيق شامل باش تعرف شنو وقع بالضبط.

وصرّح ناطق رسمي باسم المطار باللي الراجل اللي مات ماشي من طاقم الطيارة، وماشي حتى من العمال ديال المطار، وهادشي زاد الأمور غموض وتعقيد.