وكالات//

31 واحد لي ماتو بسباب لمضاربة بين العصابات فالحبس لي كاين فالغرب ديال الإكوادور، وفاش ناض الصداع وبدات المقاتلا دخل 2700 بوليسي باش يسيطرو على الوضع، وهاد روينا ديما كينا بسباب البيع والشرا ديال المخدرات وسط الحبس.

ملي دخل البوليس لقاو جثة مقطعين ليها راس، ديك الساعة السلطات علنات على حالة طوارئ لمدة 60 يوم فݣاع الحباسات ديال الإكوادور.

الحكومة قالت أنها عاودات سيطرات على الحبس ديال غواياس اللي فيه كثر من 5600 واحد، والنيابة فتحات تحقيق جنائي على قبل الأعمال الإرهابية بسباب التفجيرات وكمية الأسلحة والذخائر اللي لقاو فلحبس.