وكالات //

جوج ديال المسافرين ميريكانيين نوضوها بونيا فالسما، وهوما مسافرين فواحد الطيارة تابعة لخطوط الطيران ساوث ويست الميريكانية.

على حساب ما قالت بزاف ديال التقارير الصحفية الميريكانية، المدابزة شعلات والطيارة على ارتفاع 1000 متر ف السما، وكانت الرحلة قلعات من ولاية كاليفورنيا وغادية لولاية هاواي.

وبان واحد الفيديو نتاشر بزاف فالسوشل ميديا اللحظة لي كيتدابزو فيها بجوج، وكيتبادلو البونيات، وواحد المراة بيناتهم. من بعد جا الطاقم ديال الطائرة وفارقوهوم.

من بعد هاد المدابزة خرجات الشركة بواحد البيان كتشكر فيه الطاقم ديالها على طريقة التعامل ديالو مع الواقعة، وكتقول أن الرحلة وصلات بسلام.

وقالت كذلك، أن هاد الجوج لي تدابزو قدموهوم للبوليس فالمطار ولكن ممعروفش واش غادي يتابعوهوم بشي تهمة ولا لا.