كود سبور- فاس//

معادل المنتخب الوطني المغربي مع منتخب تونس فالماتش الودي اللي بادي بيناتهم مساء اليوم الجمعة فتيران فاس الكبير.

وسالا الشوط الاول بين المنتخب المغربي وتونس بنتيجة التعادل السلبي زيرو لزيرو، وكانت ابرز فرصة هي ديال يوسف النصيري اللي ضربها بالراس ودازت فوق الشبكة بشويا، أما المنتخب التونسي ما كانش خطير، واغلب الوقت بقاو راجعين للور، واللاعبين ديالهم منرفزين ولاعبين بخشونة زايدة وعصبية.

ومن المنتظر يدير الناخب الوطني وليد الركراكي تغييرات فالشوط الثاني باش يعطي فرصة للاعبين اخرين ويختبرهم واش يقدرو يحلو هذا التحفظ الدفاعي ديال منتخب تونس.