كود سبور//

كشفت وسائل إعلام فرنسية ان ماتش المنتخب المغربي ومنتخب الأرجنتين برسم الجولة الاولى من أولمببياد باريس مازال ما سالاش، وغير توقف.

ماتش المغرب والأرجنتين اللي وصل للدقيقة 116 بعدما زاد الحكم السويدي 15 دقيقة فالشوط الثاني، فانحياز واضح منو للارجنتين، وهذا الشي مكن الأرجنتين من تسجيل الهدف الثاني ديال التعادل وهو يتحبس الماتش وجميع المؤشرات كانت كتقول ان المباراة سالات مباشرة بعد هدف الارجنتين، ولكن الأعلام الفرنسي وعلى راسو جريدة ليكيب وقناة RMC الفرنسيتان، قالو ان الماتش غير توقف وباقي ما سالاش بصفة رسمية.

وحسب نفس المصادر فاللاعبين رجعو للفيستيير والمانش مازال ما سالاش والحكم وغرفة تقنية الحكم المساعد بالفيديو الفار كايتحققو من صحة الهدف الثاني ديال الارجنتين.