وكالات//

ماتت واحد السيدة عندها 23 عام بسبب نوبة قلبية وهي كتشطح فعرس فـ ولاية ماديا براديش.

السيدة اسمها بارينيتا جين، وكانت جايّة من إندور لفيديشا باش تحضر عرس بنت عمها.

فـ الحفل يوم السبت، لي كان حاضر فيه أكثر من 200 واحد، طلعت على الستيج باش تشطح على الأغنية الهندية المعروفة “شارارا شارارا”، ولكن بعد 30 ثانية من الشطيح، طاحت على الأرض.

الأطباء ديال العائلة جربو يديرو لها الإنعاش القلبي باش يردوها للحياة، ولكن ما نجحوش، وداوها للسبيطار قريب، ولكن الأطباء أكدّو أنها توفات بسبب نوبة قلبية.

وسائل الإعلام ذكرت أن أخو بارينيتا الأصغر كان توفى بنفس الطريقة بسبب نوبة قلبية وهو عندو 12 عام.

من بعد ما تم تداول صور ديال ناس كيموتو فـ وسط الشطيح ولا أثناء مباريات رياضية، بزاف من الناس فـ وسائل التواصل الاجتماعي بدو كيسولو واش هاد الحالات كثرت بعد جائحة “كوفيد-19” وتساءلو واش عندها علاقة باللقاحات. ولكن الأطباء نفوا هاد الادعاءات، وقالو أن العامل الوراثي ونمط الحياة كيأثرو بشكل كبير على صحة القلب.