عمـر المزيـن – كود//

علمت “كود” أن الوزير السابق للثقافة والاتصال، محمد الأعرج، ماتت ليه الوالدة ديالو خلال الساعات الأولى من صباح اليوم الجمعة فدارها اللي كاينة فحي الأدارسة بفاس.

القيادي الحركي الأعرج كان كيعتبر الوالدة ديالو أغلى حاجة عندو ولمرا اللي بدلات حياتو كولها. عزيزة عليه لدرجة لا تصور وديما عندها فالدار.. حتى مني كان وزير وعندو الاتزامات كثيرة بزاف كان ضروري يجي يشوفها الويكاند ففاس.

حسب مصادر “كود” فإن والدة الوزير السابق الأعرج كانت مريضة شويا وكانت جاتها “كورونا” وخا كانو رادين ليها البال بزاف بزاف لكن الفيروس اللعين تسلل ليه. وفاتها صدمات الوزير الحركي السابق وعائلتو وحتى الأقرباء. حقاش الراحلة كانت بمثابة والدة العائلة بأكملها.