كود – خنيفرة //
فإطار العناية الخاصة اللي كتعطيها مؤسسة محمد الخامس للتضامن للفئات المتضررة من البرد، وبسبب التساقطات الثلجية اللي عرفتها إقليم خنيفرة بصفة عامة وجماعة أكلمام أزكزا بصفة خاصة، المؤسسة بدات فعملية توزيع مساعدات إنسانية على الساكنة، هاد العملية تجي بتنسيق مابين السلطات الإقليمية والمحلية، وبمشاركة مختلف المتدخلين فالمجال.
المبادرة الإنسانية هادي كتعكس قيم التضامن والتآزر الاجتماعي اللي كتميز المجتمع المغربي، وكتركز على المقاربة المواطِنة للمؤسسة باش يواكبو الساكنة القروية فوقيتة البرد ،الساكنة المستفيدة عبرات على ارتياحها وتنويها بهاد الجهود، اللي كتعكس الاهتمام بالعيش الكريم ودعم الفئات الهشة.
هاد العوين فيه جميع المونة الضرورية اللي كتهم العيش اليومي، خصوصاً فالظروف الجوية الصعيبة ، وهادشي كيبين الدور الكبير للمؤسسة فمواكبة السكان وتحسين ظروفهم الاجتماعية.
