وكالات//

توفّى مدرّب اللياقة الروسي ومؤثّر فالسوشل ميديا، دميتري نويانزين، عندو 30 عام، بسبب سكتة قلبية وهو ناعس، من بعد ما دار تجربة خطيرة باش يروّج للبرنامج الجديد ديالو ديال فقدان الوزن.

كان نويانزين داير أسابيع وهو كياكل 10 آلاف سعرة حرارية فالنهار، باش يزيد فالوزن ديالو بأكثر من 22 كيلو، تمهيدًا باش ينقصهم فالتحدّي اللي صايبو للإشهار بالبرنامج ديالو.

https://www.instagram.com/reel/DRNACBWjK4D/?utm_source=ig_embed&ig_rid=7e40fca4-aac4-4904-b42b-afa7f90cbfab

وخلال غير شهر واحد، زاد حوالي 13 كيلو، ووعد يعطي 100 دولار لكل واحد يشارك وينقص 10% من الوزن ديالو باستعمال البرنامج قبل رأس السنة.
وكتب فـ إنستغرام: “دورة إنقاص الوزن غادي تبدا قريب، ويمكن تربحو جوائز زوينة، والأهم تبنيو جسم زوين وتتعلمو كيفاش تاكلو وتستمتعو! غادي ننقص الوزن مع المتابعين ديالي، وغادي يكون أكثر إثارة!”
فآخر المنشورات ديالو، قال نويانزين باللي وصل وزنو لأكثر من 104 كيلو، من بعد ما كان كيكثر من الماكلة اللي فيها الكوليسترول بزاف.