وكالات//

كشفات السلطات البريطانية على اسم المؤثر والمغامر البريطاني لي مات وهو كيحاول ياخد صورة سيلفي من أعلى مبنى في العاصمة الصبليونية مدريد.

وقالت السلطات في البلاد أن لي مات سميتو  لويس ستيفنسون، وعندو 26 عام، وطاح من فوق واحد القنطرة اسميتها كاستيلا لا مانشا لي كاينة في منطقة تالافير دي لا رينا، في واحد البلاصة قريبة لمدريد، والعلو ديالها تقريبا 200 متر.

وأكدات أن لويس بدا كيتعلق في القنطرة وبغا ياخذ صورة جريئة من واحد البلاصة عاليا بزاف، قبل مايزلق ويموت نهار الاحد لي فات.

وايلا دخلتي للكونط ديال لويس على إنستغرام غادي تلقاه كلو عامر تصاور ديالو في جميع مدن العالم، وهو مصور فبلايص عاليين، وخطيرين وهو شي لي كيدل على الحس دالمغامرة العالي لي عندو.