الرئيسية > آش واقع > مؤتمر شبيبة البي جي دي صوت على عادل الصغير وجه محافظ بزاف يكون كاتب وطني بلاصت امكراز
18/09/2022 10:30 آش واقع

مؤتمر شبيبة البي جي دي صوت على عادل الصغير وجه محافظ بزاف يكون كاتب وطني بلاصت امكراز

مؤتمر شبيبة البي جي دي صوت على عادل الصغير وجه محافظ بزاف يكون كاتب وطني بلاصت امكراز

كود الرباط //

انتخب المؤتمر الوطني السابع لشبيبة حزب العدالة والتنمية، عادل الصغير، كاتبا وطنيا للشبيبة، خلفا لمحمد أمكراز، ورضا بوكمازي، نائبا للكاتب الوطني.

الصغير جاب 188 صوت من أضل 307 خلال عملية الاقتراع التي تمت مساء السبت 17 شتنبر 2022 ببوزنيقة.

الصغير إطار بوزارة العدل وكان عضو بديوان وزيرة الأسرة والتضامن بسيمة حقاوي.

شبيبة البي جي دي اختارت وجه سياسي محافظ، معندوش آراء ثورية فالفكر والسياسة وقليل فاش كيستعمل النقد الذاتي تجاه حزبو، يعني تكرار نفس التجربة بنفس الأدوات.

التصويت على وجه محافظ بزاف عندو تفسيرات كثيرة، من بينها المعارك لي كتسنا هاد الحزب فيما يخص تغيير القانون الجنائي وتطوير مدونة الأسرة والنقاش حول الحريات الفردية فالمغرب.
البي جي دي مطورش راسو ولا خطابو الفكري، طور التنظيم حيث دخلاتو فلوس الدعم ديال الدولة والمكاسب والمناصب، لكن دبا فاش رجع اللور وفقد هاد الامتيازات باقي فنفس البلاصة بنفس الخطاب.
فهاد المؤتمر تأكد أن شبيبة البي جي دي غاتساير بنكيران فخطابو ، مكاينش نقد ذاتي لهاد المدة فاش خدا رئاسة الحزب.

موضوعات أخرى