كود الرباط//

اليوم كتعرف مدينة بوزنيقة انطلاق اشغال المؤتمر الوطني الخامس لحزب الاصالة والمعاصرة، للي غادين ينتاخبو أمين عام جديد لكن بدون ما تا واحد من المرشحين قدم برنامج انتخابي.

مصدر حزبي استغرب غياب النقاش بين قيادات الحزب، وغياب برنامج انتخابي وسياسي لكل تيار او مرشح، باستثناء خرجات اعلامية “غريبة” لتلاميذ فاطمة الزهراء المنصوري معبرين عن صوت واحد وتيار واحد، بدون جدل ولا تضارب في الافكار. دابا هادو غادين يديرو تأهيل الحياة الحزببة والسياسية.

فالاخير، كيروجى يقلبو على شي تخريجة باش 3 ديال الامناء العامون يسيرو الحزب بلا ما تكون السياسة.

من بعد المؤتمر، غايرجعو للبرلمان باش يصوتو على مدونة أخلاقيات العمل البرلماني وما عارفينش بللي راه الأخلاقيات كتبدا من الأحزاب للي خاصها تدير الديمقراطية بقواعدها.
لكن، كيقولو المغاربة، راه من الخيمة خرج مايل.

طبعا هادشي كيخدم الاسلاميين لي بداو يوجدو بكري للانتخابات وغايستغلو كاع الملفات والاخطاء لي وقعو فيها احزاب التحالف الحكومي. غايلقاو فين يثيريو فيهم.