كود – كازا ///

عرفات بلدة لاس بيدرونيراس فاسبانيا، البارح السبت، جرائم قتل بشعة، بعد العثور عل مهاجرة كتحمل الجنسية المغربية وأطفالها مقتولين داخل الدار ديالهم، وتبلغ الضحية من العمر 30 عام وطفليها (ولد وبنت) 8 و3 سنين على التوالي.

وأشارت تقارير إخبارية إلى تورط الزوج السابق للضحية فارتكاب هاذ الجرائم البشعة، بعد العثور على جثث الضحايا مقطعة طراف طراف.

ووفقا لمصادر محلية، فإن الضحية كانت كتعاني ديما من اعتداءات متكررة من قبل المتهم اللي فايت تحكم عليه بالسجن بسباب الاعتداء على مراتو.

وكشفت مواقع أخرى، أن المتهم (44 عام) لم يسبق له الاعتداء على زوجته، وأن الأخيرة قدمات شكاية كيدية ضدو ودخلاتو الحبس باش تاخذ ليه الدار بعد الطلاق منو، والمتهم اللي كان خدام گزار قرر الانتقام منها بعد خروجه من السجن.