الرئيسية > الزين والحداكة > مأساة.. أم ولدات وسط الطواليط فطيارة وخلات البيبي ومشات – تغريدة وتصويرة
08/01/2022 02:00 الزين والحداكة

مأساة.. أم ولدات وسط الطواليط فطيارة وخلات البيبي ومشات – تغريدة وتصويرة

مأساة.. أم ولدات وسط الطواليط فطيارة وخلات البيبي ومشات – تغريدة وتصويرة

وكالات //

موظفي مطار فجزر موريس/موريشيوس (Maurice) ملي كانو كيديرو فحص روتيني وسط طيارة تابعة للشركة المحلية “Air Mauritius”، لقاو رضيع مازال يالاه تولد وسط طارو دالزبل اللي فالطواليط. الطيارة كانت جاية من مدغشقر.

القصة وقعات نهار 1 يناير فمطار “سير سيووساكَور رامكَولام” الدولي (Sir Seewoosagur Ramgoolam International Airport)، وقالت مجلة “دير شبيكَل” الألمانية أن السلطات شدو بنت مشتبه فيها، عندها 20 عام، واللي وصلات لمورشيوس باش تخدم وعندها كونطرا ديال عامين. هزوها للصبيطار باش تتعالج وهي دبا تحت مراقبة البوليس.

الأم حاولات تنكر في اللول لكن الفحوصات أكدات أنها يالاه ولدات. و المهم أنها دابا هي وولدها فصحة جيدة وحالتهم مزيانة وملي غادي تخرج من الصبيطار غادي يتابعوها بتهمة التخلي على مولودها، حسب “دير شبيكَل”.

موضوعات أخرى

20/01/2022 22:28

“الريزو” ديال تحويل العملات الرقمية والاختطاف والاحتجاز.. الفرقة الوطنية لقات فلوس صحيحة عاود تجاوزات 10 ملايين درهم