كود – وكالات//

الطلب على الخدمات الجنسية كان كتر من القياس فليام لي دّار  فيها  منتدى دافوس الاقتصادي العالمي فسويسرا ،هاد الحدث اللي كيجمع قادة سياسيين واقتصاديين من مختلف دول العالم، ولا فرصة ذهبية ماشي غير  لوطيلات والشاليات، ولكن حتى للعاملات فمجال الجنس.

منتدى دافوس اللي كيتنظم كل عام وكيعرف مناقشة قضايا دولية كبيرة بحال أوكرانيا، إيران والوضع الاقتصادي العالمي، جاب معاه فهذ الدورة نوع جديد من الكليان ،حسب تقارير إعلامية، الطلب على الخدمات الجنسية طلع بنسبة وصلت تال لـ4000% مقارنة مع الأيام العادية.

منصة سويسرية سميتها “Titt4Tat”، اللي كتربط بين الكليان والخدامات فهاد الضومين، كتسجل نورمالمون جوج ديال ريزيرفازيون فالنهار فدافوس، ولكن فنهار الافتتاح ديال المنتدى وصل العدد لـ79 حجز. وأكدات جريدة “20 Minutes” السويسرية هاد الأرقام.

وحسب نفس المصادر، أغلب الطلبات جات من كليان  من مريكان، روسيا وأوكرانيا، مع الطلب  على العيالات السمرات ،كاينة تقارير كتقول أن بزاف من العيالات  اللي كيقدمّو هاد الخدمات ماشي محترفات، ولكن طالبات، أستاذات أو مسافرات كيقلبو على دخل إضافي.

أغلى حجز تسجّل كان من عند رجل عرض يخلص 96 ألف فرنك سويسري، يعني تقريبا 103 آلاف يورو، مقابل يرافق خمسة لعيالات لمدة 4 أيام، بلا ما يدخل فالحساب مصاريف لوطيل، الشوافرية  ولا الكادويات.

وزادت التقارير أن وحدة من العيالات تعرض عليها منصب مهني مزيان  مورا  مدوزات الويكاند مع مجموعة من المدراء التنفيذيين فدافوس، اما كليان آخرين واعدو برحلات تسوق لباريس، سفر بطائرات خاصة لدبي، أو إقامة فشاليات فاخرة.

https://www.ladepeche.fr/2026/01/23/jusqua-103-000-eur-pour-4-jours-avec-5-femmes-la-demande-de-services-erotiques-explose-au-forum-economique-de-davos-13181613.php