كود – وكالات //

الرئيس الأمريكي  دونالد ترامب  نوضها تاني على  جزيرة غرينلاند، مورا ما قال باللي  الولايات المتحدة غادي تفرض الديوانة  على أي دولة “ماشي فصفها فقضية غريلاند ”  ترامب أكد بلي الجزيرة  مرتبطة  بـ”الأمن القومي الأمريكي”، وقال بلي ناوي ياخد  المنطقة القطبية الشمالية، ترامب اعتبر بلي السياسة التجارية ممكن  تكون ورقة ضغط  لفرض المواقف الأمريكية.

هاد التصريحات ما دازتش بلا ردود فعل،  فـألمانيا خرج عضو البرلمان يورغن هاردت بتصريح  هدد  فيه بإمكانية مقاطعة منتخب بلادو لكأس العالم 2026، اللي غادي يتنظم فالولايات المتحدة وكندا والمكسيك، إلى بقا ترامب فسياسة كيهدد بخصوص غرينلاند.

صحيفة «بيلد» الألمانية نقلات على يورغن هاردت، المتحدث باسم السياسة الخارجية لحزب الاتحاد الديمقراطي المسيحي والاتحاد الاجتماعي المسيحي، هضرتو بلي  الانسحاب من المونديال “ماشي حاجة  ساهلة”، ولكن يمكن يكون “الحل الأخير” للضغط على ترامب باش يتراجع على تهديدو باش يزطم على جزيرة غرينلاند.