كود الرباط//

الفئة الأكثر تضررا من الحوار الاجتماعي، هم أعوان السلطة، هاد الفئة معندهاش نظام أساسي، معندهاش نقابات قوية ترافع عليها.

جميع موظفي الدولة تزاد ليهم الصالير، 500 درهم هاد العام و500 درهم العام جاي، كولشي توصل بالزيادة إلا أعوان السلطة.

أعوان السلطة كان ديما عندهم دور كبير فالحياة الاجتماعية للمغاربة، فكورونا كانو فالواجهة خدمو وراقبو وهوما لي كيدورو ليل نهار، نفس الشيء فجميع المحطات أعوان السلطة ديما حاضرين وخدامين وحاضيين.

اليوم هاد الفئة توصلت بصالير بلا زيادة. واش الحكومة غاتشوف من وضعيتهم، واش ممكن حتى هوما يكونو بحال باقي القطاعات (التعليم، الصحة..). هاد الفئة كتسناها خدمة كبيرة هاد الأيام مع مالين الإحصاء.

وكانت الجمعية الوطنية لموظفي الجماعات الترابية بالمغرب (ANFOCT) وجهت شكاية إلى الملك محمد السادس، تتهم فيها رئيس الحكومة ووزير الداخلية بتكريس التمييز السلبي بين الموظفين ضد مبدأي المساواة وتكافؤ الفرص المنصوص عليهما في الدستور.

وقالت الجمعية في الرسالة الموجهة إلى الملك، إن “ّالحكومة الحالية تتجاهل بشكل منهجي حقوق موظفي الجماعات الترابية، على الرغم من الاهتمام البالغ الذي توليه لقطاعات أخرى مثل الصحة والتعليم والعدل والمالية”.

وأضاف الجمعية: “وفي الوقت الذي تسعى فيه الحكومة لتحقيق نجاحات ملموسة في الحوار الاجتماعي مع هذه القطاعات، فإنها تتجاهل بشكل غير مبرر قطاع الجماعات الترابية، على الرغم من المطالبات المتكررة من الجمعية والنقابات العاملة في هذا القطاع”.