كود -عن “ا ب سي” الصبليونية//

واحد طيارة كانو فيها ركاب مقيوسين بفيروس هانتا قلعات اليوم لهولندا، ولكن اضطرّات تهبط فجزر الكناري باش تعمّر الكيروزين، من بعد ما المغرب معطاهاش الإذن باش تدخل لأراضيه.

حسب مصادر من حكومة جزر الكناري، هاد القرار ديال الرفض من طرف المغرب خلا الطيارة تبدّل المسار ديالها.

رئيس جزر الكناري فرناندو كلافيخو، طلب من مصالح الصحة الخارجية يراقبو الوضع مزيان، ويضمنو بلي حتى واحد من الركاب ما يهبطش من الطيارة فهاد التوقف التقني.

الركاب المقيوسين كانو منقولين وسط إجراءات وقائية مزيرة،و لابسين معدات الحماية، باش ما ينتاشرش الفيروس كثر.

هاد الركاب كانو فالطريق لهولندا بعد ما خرجو من كروازيير دارت من امريكا اللاتينية حتى الاطلسي. دولة كاب فيردي حتى هي رفضات شي حد ينزل عندها.

باقي السياح وفريق لكروازيير غاديين ينزلو فتينيريفي بجزر لاس بالماس نهاية هاد الاسبوع. حكومة مدريد قبلات ينزلو واخا الحكومة المحلية رفضات يدخلو عندهم