كود – وكالات//

ذكور نحل عندهم دور مختلف بزاف داخل الخلية، عكس النحلات اللي كيديروه بزاف دالخدمة، بحال جمع الرحيق، تغذية اليرقات وحماية الخلية، المهمة الرئيسية ديال الذكر هي التزاوج مع الملكة.

فموسم التزاوج، كيخرج الذكر كيطير مع أسراب ديال الذكور الآخرين، وكيقلبو على ملكة عزبة باش يتزاوجو معاها ومنين كتوقع عملية التزاوج، العضو التناسلي ديال الذكر، اللي كيتسمى علمياً «Endophallus»، كينفصل من جسمو وكيبقى واحد فالملكة.

هاد العملية كتسبب أضرار خطيرة فبطن الذكر، وكتخليه ما قادرش يعيش من بعد التزاوج وفعلاً، الذكر كيموت بعد وقت قصير، وبالتالي كتكون عملية التزاوج هي آخر مهمة كيديرها فحياتو.

أما الملكة، فكتقدر تخزن الحيوانات المنوية اللي خداتها وتستعملها من بعد لتلقيح البيض لمدة طويلة ،وبهاد الشكل، وخا أن حياة الذكر قصيرة، فالدور ديالو كيساهم بشكل مباشر فاستمرار نسل الخلية.