كود -وكالات//

السلطات الأمريكية قريبة تعتمد على تكنولوجيا جديدة فعمليات توقيف الحراگة، بعدما قررات وكالة الهجرة والجمارك الأمريكية تشري ليگات إلكترونية كتقدر طلق ضو إلا قستي شي حد.

هاد ليگات لي كتشحط ب380 فولت طورتها شركة أمريكية، كوسيلة باش تعاون الأمن على اللي كيرفضو الاعتقال، بلا ما يضطرو يستعملو القرطاس  ،وحسب المعطيات المتداولة، المشروع ممكن توصل قيمتو ل 20 مليون دولار، وغادي يترافق مع تكوين العناصر قبل استعمال هاد المعدات.

الفكرة، وخا أنها كتقدم كوسيلة لـ”السيطرة بلا قتل”، خلات انتقادات ومخاوف منظمات حقوقية،المنتقدين كيشوفو أن أي استعمال غير مسؤول لهاد التكنولوجيا يقدر يحولها لوسيلة للعنف.