الرئيسية > تبركيك > ليكَلاصون مابقاوش فبيران إسبانيا.. بسباب الصهد ولاو كيتباعو بالحساب والريسطورات زادو فأثمان المشروبات اللي مضوزية ثلج 
06/08/2022 01:00 تبركيك

ليكَلاصون مابقاوش فبيران إسبانيا.. بسباب الصهد ولاو كيتباعو بالحساب والريسطورات زادو فأثمان المشروبات اللي مضوزية ثلج 

ليكَلاصون مابقاوش فبيران إسبانيا.. بسباب الصهد ولاو كيتباعو بالحساب والريسطورات زادو فأثمان المشروبات اللي مضوزية ثلج 

وكالات //

بسباب موجة الجفاف والصهد اللي كتعيشها جارتنا الشمالية مؤخرا، قررات إسبانيا أنها تحضي مع كميات ليكَلاصون اللي كيتباعو فالبيسريات للناس وحتى اللي كيتسرباو مع المشروبات فالبيران و الريسطورات، وغاديين يوليو يخرجوهم بكميات محدودة ومحسوبة.

جورنال “تايمز” البريطاني قال فخبر خاص بهاد الموضوع بللي شركة البيسريات “Consum”، اللي منتاشرة فإسبانيا والمقر الرئيسي ديالها كاين ففالنسيا، قررات أنها تبقى تبيع فقط جوج باكيات ديال الثلج لكل شخص، وممنوع يتباع أكثر.

فنفس الوقت كتعاني الريسطورات فإسبانيا باش تلقى كميات ديال الكَلاص اللي كافية للكليان ديالها فهاد الموجة ديال الصهد، وقرر عدد منها يفرض تكاليف إضافية قيمتها 20 أورو على كل شخص بغا يزيد الثلج فالبواسون ديالو.

موضوعات أخرى

14/08/2022 19:30

خبار كذوب على قتل سائح فبني ملال قالب كولشي: الجريمة وقعات فتونس والبوليس ديالنا فتحو لونكيط باش يعرفو شكون واقف مورا هاد الخبار فايك

14/08/2022 18:30

فالوقت اللي الجزاير استوردات 11 مليار دولار من المواد الفلاحية ف 2021. المغرب صدر 6.8 مليار دولار ديال المنتوجات الفلاحية والبحرية